AKO'Y LINGKOD MO

Ako'y Lingkod Mo
_____________

Ako'y tinawag, hinirang Mo

Upang pumasok sa Iglesia Ni Cristo

Naging bunga ng Iyong pagsusugo

Ako'y Iyo, ako ay lingkod Mo

Sa takbuhin sa buhay na ito

Sinagupang suliranin, hindi ko matanto

Paano malalampasan, paano masugpo

Ngunit Ikaw Ama, tumulong na totoo.

Sa aking pagpasok sa banal na Iglesia

Kalakasang espirituwal, aking nadama

Matatag, totoong mananampalataya

Pagkat Ikaw Ama, gumagabay, sumasama.

Sa pakikipaglaban para sa pananampalataya

Ikaw pa rin nawa'ng mag-ingat, mag-alaga

Sa iyong alipin, sa lingkod Mong aba

Samahan Mong lagi sa pakikibaka.

Nangangako naman sa Iyo nang tapat

Hindi susuko hanggang maging dapat

Lahat ay gagawin, ihandog man ang buhay ko,

Para sa Iglesiang mahal, masunod kalooban Mo.

Odriel Kyle G. Joven
Quezon City, Philippines
June 2016