SA MASIGLA AT MATIBAY NA PAGLILINGKOD

Sa Masigla at Matibay na Paglilingkod

 _____________________

Tinawag ng Diyos at Kaniyang Hinirang

Nang upang magpuri at magbigay-lugod;

Sa loob ng kawan ako ay ibinilang.

Ipinapangakong ako’y maglilingkod,

Magpapakatapat at magsusumikap

Na lahat N’yang utos ay aking masunod.

Kahit may balakid, mga paghihirap

Ay magpapatuloy hanggang sa marating

Ang hangaring wakas at pagiging ganap.

Na ang gantimpala’y di maihahambing

Sa anumang bagay sa buhay na ito,

Ipagkakaloob sa Kaniyang pagdating.

At hindi katulad ng buhay sa mundo

Ang tatamasahing doo’y pamumuhay

Ay wala ng dusa, ligalig at gulo.

Kaya’t buong siglang ako’y maglalakbay

hanggang sa tamuhin walang hanggang buhay.

Ezzard R. Gilbang

Quezon City, Philippines

January  2013

LEAD ME HEAVENWARD, O LORD

Lead Me Heavenward, O Lord

 _________________________

Forsake me not, O Lord, and lead me heavenward,

For thou art my fortress and Thou art my guide:

Be merciful, O Lord, and heal my weary soul,

Strengthen and deliver from evil and trouble.

The God of Jesus Christ is my refuge,

I fear not though the mountains move;

I’ll praise Thee, O God, till the end of the earth,

Forever Thou art my God until death.

Reward to me the joy of salvation,

As I acknowledge my sins and transgressions;

Redeem my soul from eternal perdition,

To Thee, I make this earnest supplication.

I’ll take delight to Thy will,

My covenant with Thee I’ll gladly fulfill;

After all of this earthly sojourn, I pray –

A faithful rendezvous with God

As He lead me heavenward.

Evangeline B. Fuentes

Bulacan, Philippines

February  2013

PANALANGIN AT PAG-ASA

Panalangin at Pag-asa

 __________________

Sa bilis ng agos ng pagbabago

Di maiiwasang matangay ang tao,

Mga pangako sa Diyos, maging sa sarili mo

Huwag kalimutan; pakaingatan ito.

Pag-unlad na hatid ng pagbabago,

Maaaring makatulong sa pangarap mo

Subali’t laging ilagay sa isip

Sa Ama manggagaling ang marapat sa iyo.

Gusto mong umunlad, maging asensado

Kasipagan, pagsisikap ang sagot dito.

Bawa’t hakbang sa daang tatahakin,

Isangguni sa Ama sa mga panalangin mo.

Masarap abutin mataas na pangarap,

Kung taglay ang pusong panatag

Kamtin ang tagumpay di lubhang mahirap,

Kung buong tiwala sa Kaniya ilagak.

Taimtim na panalangin asahang mabisa,

Lalong tatatag ang pag-asa mo at nasa

Biyayang hangad at mga pagpapala,

Kakamtin mong lubos sa Amang Dakila.

Irma M. Pasco

Masbate, Philippines

February  2013

SAGIPIN ANG NASA DILIM

Sagipin Ang Nasa Dilim

 ____________________

Ipukol, igala ang iyong paningin,

Sa ating paligid na puspos ng dilim,

Naroon ang mga kamag-anak mandin,

mga kaibigan, kababayan natin.

Ating pagsikapan sila’y matanglawan

Nang sa paghuhukom h’wag maparusahan.

Dapat kahabagan, dapat damayan,

Hanguin sa dilim na kinasadlakan.

Hayo na, kapatid, kilos magmadali!

Agawin and tao, sa dusa’y mabawi!

Dalhin sa Iglesia, nang upang mapawi,

Mapait na hatol na ikasasawi!

Kung madala sila sa tunay na kawan

at magbalik-loob sa Diyos nating Banal

ay magkakasamang makapagdiriwang

sa malapit na ngang ating kaligtasan!

Minerva T. Pilon

Quezon City, Philippines

March  2013